Fel myfyriwr addysg uwch mewn prifysgol neu goleg yng Nghymru, byddwch yn cael mynediad at amrywiaeth o gyfleoedd i ennill profiad gwerthfawr a gwella eich cyflogadwyedd.
Waeth beth fo’r cyfle, bydd y tîm cyflogadwyedd yn eich prifysgol neu goleg yn eich helpu i ddatblygu sgiliau diwydiant-benodol, ehangu eich rhwydweithiau proffesiynol, a chael mewnwelediad i’ch llwybrau gyrfa dewisol. Gallwch gael arweiniad gwerthfawr, archwilio llwybrau gyrfa posibl, a gwella eich parodrwydd ar gyfer y farchnad swyddi trwy archwilio gwybodaeth sy’n benodol i’r diwydiant gyda’ch tîm cyflogadwyedd. Peidiwch ag anghofio, maen nhw yno i’ch helpu chi.
Datgelodd 98% o arweinwyr busnes Cymru a holwyd bod graddedigion yn cyrraedd swyddi rheoli yn gyflymach, o ganlyniad i fynd i brifysgol
Pam Cymru?
Mae gan Gymru nid yn unig y gorau o ddau fyd o ran y cymysgedd o dirweddau trefol a gwledig, gan gynnig gweithgareddau awyr agored cynyddol amrywiol ond mae hefyd yn gosod esiampl o ran manteision i ddarpar weithwyr.
Mae dinasoedd Cymru yn cael eu gosod yn uchel o ran boddhad cyffredinol â bywyd, gan ystyried ffactorau fel costau byw, prisiau eiddo, a diogelwch, sydd oll yn cyfrannu at atyniad yr amgylchedd gwaith.
Mae ymrwymiad Llywodraeth Cymru i ddatblygu sectorau twf allweddol fel y gwyddorau bywyd, seiberddiogelwch, a gweithgynhyrchu uwch, yn elwa ar dirwedd o arloesi a thwf. Fel cenedl ddwyieithog, mae Cymru hefyd yn cynnig datblygiad sgiliau iaith unigryw, gan alluogi arallgyfeirio diwylliannol ac ieithyddol a all fod o fudd i ddilyniant gyrfa. Mae ymrwymiad cynyddol i ddatblygu cynaliadwy yn addo gyrfa sy’n canolbwyntio ar y dyfodol yng Nghymru, sydd â photensial ar gyfer twf personol a chyfraniad at heriau byd-eang.
Amrywiad ar draws ardaloedd yng Nghymru
Proffiliau cyflogaeth rhanbarthol
Cyfleoedd yn y sector preifat
Cyfleoedd yn ardaloedd gwledig Cymru
Cyfleoedd yn y trydydd sector
