Dyma rai dulliau nodedig:
Hyfforddiant Amrywiaeth, Tegwch a Chynhwysiant:
Blaenoriaethu hyfforddiant amrywiaeth, tegwch a chynhwysiant i weithwyr, gan gynnwys cyflogi graddedigion, i godi ymwybyddiaeth a meithrin dealltwriaeth o wahanol ddiwylliannau, cefndiroedd a safbwyntiau.
Strategaethau Recriwtio a Dargedir:
Rhoi strategaethau ar waith i ddenu ymgeiswyr o grwpiau heb gynrychiolaeth ddigonol, megis lleiafrifoedd ethnig, menywod, pobl sydd â phrofiad o ofal a’r rheini o gefndiroedd economaidd-gymdeithasol is.
Rhaglenni Mentora a Rhwydweithio:
Cefnogi datblygiad proffesiynol cyflogi graddedigion amrywiol trwy fentrau mentora a rhwydweithio, gan ddarparu mynediad at gyfleoedd gyrfa a modelau rôl.
Pwyslais ar Amrywiaeth yn Niwylliant Cwmnïau:
Cydnabod pwysigrwydd creu diwylliant cwmni cynhwysol sy’n gwerthfawrogi amrywiaeth ac yn hyrwyddo cydraddoldeb.
Cynyddu Modelau Rôl a Chynrychiolaeth:
Mynd i’r afael â’r heriau unigryw a wynebir gan unigolion sy’n perthyn i grwpiau ymylol lluosog, megis menywod Du neu unigolion LHDTC+ anabl.
Wrth edrych ymlaen, mae nifer o dueddiadau a chyfeiriadau yn y dyfodol y gellir eu rhagweld ym maes amrywiaeth, tegwch a chynhwysiant. Yn seiliedig ar eu harwyddocâd a’u heffaith bosibl, dyma’r 5 prif ddull o hyrwyddo amrywiaeth, tegwch a chynhwysiant:
Croestoriadedd a dimensiynau lluosog amrywiaeth:
Cydnabod a mynd i’r afael ag effaith rhyng-gysylltiedig gwahanol hunaniaethau megis hil, rhyw, rhywioldeb, anabledd, statws economaidd-gymdeithasol, a mwy, er mwyn sicrhau bod arferion cynhwysol yn ystyried cymhlethdod profiadau unigolion.
Gwneud penderfyniadau ar sail data:
Defnyddio data a dadansoddeg i fesur, olrhain a gwerthuso ymdrechion amrywiaeth, tegwch a chynhwysiant, gan alluogi gwneud penderfyniadau ar sail tystiolaeth ar gyfer mentrau mwy effeithiol a nodi gwahaniaethau y mae angen mynd i’r afael â nhw.
Arweinyddiaeth ac atebolrwydd cynhwysol:
Datblygu sgiliau arwain cynhwysol a dal arweinwyr yn atebol am feithrin diwylliannau cynhwysol, hyrwyddo arferion teg, a hyrwyddo mentrau amrywiaeth, tegwch a chynhwysiant trwy raglenni datblygu arweinyddiaeth a hyfforddiant parhaus.
Cynghreiriaeth ac eiriolaeth:
Hyrwyddo’r cysyniad o gynghreiriaeth, lle mae unigolion yn defnyddio eu dylanwad i gefnogi ac eiriol dros grwpiau sydd ar y cyrion, gan greu newid systemig a mwyhau lleisiau heb gynrychiolaeth ddigonol.
Arferion recriwtio a chyflogi cynhwysol:
Gweithredu strategaethau recriwtio cynhwysol sy’n lliniaru rhagfarnau, megis defnyddio paneli cyfweld amrywiol, disgrifiadau swydd cynhwysol, ac ehangu allgymorth i gymunedau heb gynrychiolaeth ddigonol, i ddenu a chyflogi talent amrywiol. Mae’r Cynllun Cyflogwr Hyderus o ran Anabledd yn enghraifft dda o arferion blaengar.
Mae’r tueddiadau hyn yn ddeinamig ac yn esblygu, yn adlewyrchu’r twf a’r dysgu parhaus ym maes amrywiaeth, tegwch a chynhwysiant. Drwy groesawu’r tueddiadau hyn yn y dyfodol, gall sefydliadau feithrin diwylliannau cynhwysol, ysgogi newid ystyrlon, a chreu gweithleoedd sy’n dathlu ac yn gwerthfawrogi amrywiaeth eu gweithwyr.
Mae 6 o bob 10 o raddedigion (60%) a bron i dri chwarter yr arweinwyr busnes (73%) yng Nghymru hefyd yn credu bod mynd i’r brifysgol yn galluogi graddedigion i feithrin sgiliau trosglwyddadwy hanfodol sy’n eu helpu yn eu gyrfa.
Astudiaeth Achos
Prifysgol Metropolitan Caerdydd
Dechreuodd Naajib ei daith hyfforddi gyrfa yn ail flwyddyn ei radd Chwaraeon, Cyflyru, Adsefydlu a Thylino ym Met Caerdydd. Tra’n mynychu ffair swyddi rhan amser, cafodd Naajib sgwrs gyda Mel, Hyfforddwr Gyrfaoedd, a esboniodd sut y gallai hyfforddiant gyrfaoedd personol ei helpu i wella ei sgiliau a’i hyder o ran cyflogadwyedd.
Yn dilyn y ffair swyddi, trefnodd Naajib gyfarfod un-i-un gyda Mel i drafod ei anghenion datblygu gyrfa ymhellach. Esboniodd Naajib yr hoffai wella ei wybodaeth am opsiynau gyrfa i raddedigion yn y diwydiant chwaraeon, ennill profiad perthnasol, a gwella ei sgiliau cyfweld. Gyda’i gilydd, datblygodd Naajib a Mel gynllun i’w helpu i gyflawni ei nodau.
Dros y misoedd nesaf, nododd Naajib rolau swyddi addas i raddedigion a datblygodd ei sgiliau a’i hyder o ran cyflwyno ei alluoedd i gyflogwyr. Bu Naajib hefyd ar brofiad gwaith gyda’r elusen Elderfit o Gaerdydd, sy’n cyflwyno dosbarthiadau ymarfer corff wedi’u teilwra i bobl oedrannus yn y gymuned leol. Bu Naajib yn cysgodi dosbarthiadau ymarfer corff ac yn cynnal sesiynau cynhesu.
Gyda’i sgiliau a’i hyder newydd, sicrhaodd Naajib leoliad gydag Academi Dreigiau Casnewydd. Dywedodd am ei brofiad gyda Mel:
“Mae ymgysylltu â hyfforddi gyrfaoedd wedi cynyddu fy hyder. Byddai’r cyfarfodydd hyn yn berffaith i unrhyw un. Byddwn yn ei argymell yn fawr.”
Cefnogaeth ychwanegol
Yr hyn rydych chi’n dod gyda chi i’r gweithle
