Chi sy’n rheoli
Bydd yr e-Hwb yn eich galluogi i lywio heriau’r farchnad swyddi a darparu offer, adnoddau a gwybodaeth amhrisiadwy i’ch helpu i sicrhau cyflogaeth i raddedigion.
Mae ymchwil gan Universities UK yn amlygu gwerth mynd i brifysgol, gan gynnwys bod 74% o raddedigion Cymru yn dweud eu bod wedi dod o hyd i swydd sy’n adlewyrchu uchelgeisiau mewn llai na blwyddyn, diolch i’w haddysg prifysgol.
Beth allwch chi ei ddisgwyl?
Wedi’i ariannu gan Medr, Comisiwn Cymru dros Addysg Drydyddol ac Ymchwil, fe welwch lu o wybodaeth yma i’ch arfogi â’r sgiliau a’r hyder sydd eu hangen arnoch i lwyddo yn y farchnad swyddi gystadleuol sydd ohoni.
Y nod yw adeiladu eich “hyder gyrfa” a’ch helpu i ddod yn nes at gael swydd raddedig ar ôl i chi adael y brifysgol. Gall eich timau cyflogadwyedd gynnig cyfleoedd gwerthfawr megis profiad gwaith, hyfforddi gyrfa, datblygu sgiliau, ac ymgysylltu’n uniongyrchol â chyflogwyr ac maent wedi ymrwymo i’ch arwain ar hyd eich llwybr at lwyddiant.
Os ydych chi’n fyfyriwr o grŵp sy’n llai tebygol yn ystadegol o fynd i’r brifysgol ac yn chwilio am help i hybu eich hyder gyrfa, cysylltwch â ni.
Astudiaeth Achos
Prifysgol Abertawe
Bu myfyriwr BSc Ffarmacoleg Feddygol, Prinka Parm, o Brifysgol Abertawe a oedd y cyntaf yn ei theulu i fynychu’r brifysgol, o gefndir incwm isel ac o gefndir du a lleiafrifoedd ethnig, yn ymwneud â’r prosiect Career Boost. Gyda dyheadau yn y maes meddygol, nododd Prinka ddiffyg cysylltiadau proffesiynol a phryder am gyfweliadau. Trwy’r prosiect, derbyniodd arweiniad wedi’i deilwra a chymorth ariannol ar gyfer y prawf GAMSAT a chymorth i brynu dillad parod ar gyfer gwaith.
Gyda chymorth cynghorydd, nododd Prinka ei chryfderau a meysydd i’w datblygu. Er gwaethaf ei gallu academaidd, nid oedd ganddi unrhyw brofiad proffesiynol blaenorol. Sicrhawyd lleoliad gwaith yn Iechyd Cyhoeddus Cymru yn yr adran Microbioleg, lle cynhaliodd archwiliad amgylcheddol a rhwydweithio ag uwch weithwyr proffesiynol. Rhoddodd y lleoliad hwn hwb i’w hyder ac ehangodd ei rhwydwaith proffesiynol.
Ar ôl y lleoliad, bu’n myfyrio ar ei thwf, gan nodi sgiliau cyfathrebu gwell, yn enwedig gyda staff uwch. Cadarnhaodd y profiad ei chyfeiriad gyrfa ac amlygodd adborth gan ei chyflogwr ei pharodrwydd a’r potensial ar gyfer partneriaeth hirdymor yn cynnig cyfleoedd profiad gwaith.
“Fe wnaeth y lleoliad hwn wella fy sgiliau arwain a chyfathrebu. Rydw i nawr yn teimlo fy mod yn barod ar gyfer rolau yn y dyfodol yn fy maes dewisol. Gwnewch gysylltiadau yn ystod lleoliadau; maen nhw’n amhrisiadwy ar gyfer y dyfodol.”
Eich prifysgol a choleg
Geirfa
